آذربايجانليلارین اعتراض لاری ايران دانشگاهلارينين بير چوخونو بورويوب
18/05/2006

آذربايجانلی دانشجو لارين، ايرانين رسمی دولت ارگانی اولان ايران قازئتينده تورک لری تحقير

تهران دانشگاهی نین دروازاسی

ائدن کاريکاتورون چکيلمه سی و ادب سيز بير يازی نين يازيلماسينا قارشی اعتراض لار داوام ائتديريليب. بير چوخ خبر منبع لری او جمله دن ايسنا خبر آژانسی نين يايديغی معلوماتا گوره تهران دانشگاهيندا ميتينگ لرکئچيريليب. دانشجولار، اولجه علوم انسانی فاکولته سينين قاباغيندا توپلاشيبلار . چيخيش ائدن لردن بيری حکومتی آذربايجان تورک لرينه قارشی آغير اقتصادی، اجتماعی و فرهنگی آيری سئچکی ليک- تبعيض سياستی يئريتمکده اتهام ائتدی. همدان، اروميه، تهران، تربيت معلم و علامه طباطبايي و ... دانشگاه لارينين اعتراض بيانات لارينين اوخونماسيندان سونرا دانشجولار دانشگاهين قاپی سينا طرف يولا دوشدولر. امنيت قوه لری اونلارين قارشیسينا آلماغا چاليشسادا اونلار قاپی نی آچا بيلديلر و قاپی نین ائشيينده توپلاشان کرج دن، قزوين دن و باشقا دانشگاه لاردان گلن دانشجولار و تهران ساکن لريندن عبارت گروه لا بيرلشديلر. ايران قازئتی نين نسخه لری يانديريليب. ميتينگ پليسين مداخله سی ايله داغيديليب . بونونلا ياناشی آذربايجانين اردبيل، زنجان و مراغا شهرلرينين دانشگاه لاريندا ائله جه ده تبريزين آزاد دانشگاهيندا ميتينگ لر کئچيريليب. اعتراض چيلار سون قطعنامه لرينده 15و 19 –جو ماده لرين اجراسينی و ملت لرين حقوق برابرلييی نين تامين اولونماسينی، سياسی زندانی لرين آزاد ائديلمه سينی ، ايران روزنامه سينين محاکمه ائديلمه سينی و جزالانديريلماسينی، آذربايجانليلاردان عذر ايسته نيلمه سينی ايسته ييبلر.

تبريز آزا د دانشگاهی

دانشگاهيندان باشلايان مبارزه نی داها دا گوجلنديره جک لر. خبرين حاضيرلانماسی زامانی ايسنا خبر آژانسی، آذری پرس خبر آژانسی و آذربايجان وب سايت لارينين معلوماتلاريندان استفاده ائديليب

بو مقاله نی ای ميل ادين
چاپی ورسيا