5000
ایللیک گنول
شئری
Lion
de guennol
ایلالم
مدنیتیندن
اولان گنول
شئری ، 5000
ایللیک بیر 8
سانتیمتر
اوجالیقدان
منیزیوم
داشیندان
یونولموش آغ
پارلاق بیر
هیکل دیر . بو
تایی
اولمایان
تاریخی اثر
دکابر
آیینین
بئشینجی گونو
نیویورک
شهرینده الی
یدی میلیون
ایکی یوز مین
دولارا
ساتیلدی(57200000 ) . بو
هیکل دجله
چایینین شرق
طرفینده و
ایندیکی
ایران
توپراخلاریندا
اولان ایلام
مدنیتیندندیر
و ادعا
اولونر کی
1948 نجی ایلدن
بری آمریکا دا
بروکلین
موزئیینده
ساخلانیلمیشدیر.
هیکلین
بدنی بیر
قادین آمما
باشی شئر
باشیدیر و
آرکالوگلار
اونی مقدس و
بیر الهه
هیکلی
تانییرلار .
ایلام
مدنیتی
دورونده
ماتریارکال
یعنی آنا
خاتینلیق
مناسبتی
واریدی و بو
اساس دا مقدس
بت لر و هیکل
لر قادین
شکیلده اولوب .
ایلام دیلی ،
تورک دیلی تک
التصاقی بیر
دیل اولوب و
بعضی
تاریخچیلر ،
تورک دیلینین
کوکون ایلام
دیلینده
بیلیرلر .
اوناگورادا
بومقدس هیکل
- گنول آنا
و یا ساده جه -
شئر آنا
- آدلانا بیلر
.
(
لیون دو گنول )
آدینان
دنیا دا
تانینمیش
بوهیکل میلاد
تاریخیندن
دورد مین ایل
قاباخکی عصیر
دندیر و آزی
اونون 5000
ایل یاشی وار و
ایندیه قدر بو
خیرداجالیقدا
تاریخی بیر
اثر بئله
باهالی بیر
قیمتله
ساتیلمامیشدیر
.
بعضی
خبرلرده
دئییلیر کی بو
هیکل یاخبن
ایللر ده
محاربه
واختیندا
قاچاقچی لار
الینه دوشوب
آمما اونون
ساتانلاری
دئییرلر،
بوهیکل آتمیش
ایل بوندان
قاباخدان -
آلیستر
برادلی ماتین -
آدلی بیر
آمریکانلی
کلکسیونرین
الینده اولوب
و بروکلین
موزئیینده
ساخلانیب .
او
گوندن کی بو
اثر ساتیلیشا
قویولموشدور
، دنیادا هامی
موزئیلر اونی
آلماق
ایستئییردیلر
آمما نهایتده
بیر نفر آدین
تانیتدیرمایان
انگلستانلی
اونا صاحاب
اولدی .
پاریس
ده لوور
موزئیینین
متخصص لری
گنول شئرین -
مونالیزا
ژوکوند - اثری
ایله مقایسه
ائدیب و اونی
نادره بیر
شاه اثر
تانییرلار .
بیر سیرا
تاریخچیلرده
گنول شئرین
مزوپوتامیا (
بین النهرین )مدنیتی
یادگارلاریندان
حساب ائدیرلر
آمما ایلام
شناس لار یقین
دئییرلر بو
ایلام
دوورونون
اثرلریندندیر
و شوش شهری
ایلام
حکومتینی
مرکزی
ساییلیر و
مزوپوتامیادان
قیراخدادیر.
ماشااله رزمی - پاریس 7 دسامبر 2007
azadtribun