ديرلي هموتنلر، حؤرمتلي گونئي آذربايجانليلار،

آلديغيميز آجي خبره گؤره، جومه گونو 3 آبان 1387-جي ايل، 24 اوکتيابر 2008-جي ايل، گونئي آذربايجان ميللي فعالي 35 ياشلي موهنديس غلامرضا اماني  قزايا " اوغراميش، اؤزو ايله ايکي قارداشي تبريزين اطرافيندا اهر جاده سينده خوجا منطقه سينده هلاک اولموشدور. بو خبر، ديگر هموتنلريميز کيمي، بيزي ده  گونئي آذربايجان سياسي بيرليک و امکداشليق کوميسسيياسي اولاراق، درين کدرلنديرميشدير

غلامرضا اماني، هئريس اطرافيندا اولان قاراگونئي کندينده آنادان اولموش، عالي تحصيليني تبريز اونيوئرسيتئتينده آقرار موهنديسليگي ايختيصاصي ايله باشا وورموشدو. او، ايران ايسلام رئسپوبليکاسي نين رسمي تلویزیاسی نين حاضيرلاديغي " سيز تورکلرله قونشو اولوب، ائولنرسينيزمي؟ " آدلي مشهور آنکئته اعتيراض آکسيياسي نين، بذ قالاسينا ييغينتيلارين، ستتارخان مزاري اوستو تدبيرلرين فعال ايشتيراکچيلاريندان ايدي

موهنديس اماني، سون 10 ايلده هم طلبه ليک دؤورونده و هم ده اوندان سونرا، گونئي آذربايجاندا ميللي هوقوقلار اوغروندا ايران ايسلام رئسپوبليکاسينا قارشي موباريزه آپارميشدي و بير نئچه دفعه رئژيم طرفيندن حبس اولونموشدو. او، 4 ايل حبس آلميشدي. بونونلا ايران ايسلام رئسپوبليکاسي، آذربايجانليلارين ميللي هوقوقلاريني تاپدالاديغي کيمي اونون دا فردي هوقوقلاريني آياق آلتينا قويموشدو. و بوگون ده اونون آواريايا دوشمه سي، آذربايجان ايجتيماياتيندا گوجلو بير شوبهه دوغورور کي، بورادا دا رئژيمين الي وار. البتته بو شوبهه يه اسا سدا مؤوجوددور. بوگون آمئريکا و آوروپادا گئدن ايقتيصادي بؤهرانلاري نظره آلاراق، ايران ايسلام رئسپوبليکاسي بير طرفدن بو بؤهرانين ايراندا تاثيريني دوشونه رک اؤز گله جگيندن نيگاران اولدوغو اوچون، ميللي هاقلارين اوزرينده گئدن موختليف خالقلارين او جومله دن آذربايجان خالقي نين بو يولدا اوزون ايللردن بري آرديجيل آپارديغي و بوگون يئني بير موستوييه گليب چاتان هرکاتيندان قورخور و اونا قارشي تدبيرلر جيزير. بو پلانين بير حيصه سي، رئژيمين، ميللي فعاللاري توتوب حبسه آلماسيدير و 1367-جي ايلده و سونراکي ايللر کيمي کوتلوي قيرغين و ياخود زينجيرواري قتللري تشکيل ائتمه سي بوگون ده ايستيثنا دئييلدير. خوصوصيله شووينيستي و ايستيبدادي رئژيملر، هم بوگون و هم ده هله شاه دؤورونده، موخاليفلريني دولايي و شوبهه لي يوللارلا او جومله دن دووار آلتينا قويماق، آواريايا سالماق، سودا باتيرماق، زهرلنديرمک، خستلنديرمک، آمپول وورماق، دؤيوب-بيچاقلاماق و قازلا بوغماقدان چکينميرلر.

بونلاري نظره آلاراق، غلامرضا اماني نين " قزايا " اوغراماسي بيز آذربايجانليلاردا شوبهه دوغورمايا بيلمز. ائله بونا گؤره همين حاديثه نين داخلده و خاريجده صلاحيتلي اورقانلار طرفيندن آراشديريلماسي نين طرفداري اولدوغوموزو بيلديريريک و بو ايشده ديگر سويداشلاريميزي بيرگه امکداشليغا دعوت ائديريک. بونو، ايچريده و اؤلکه دن کنار فعاليت گؤسترن فعاللاريميزين بو کيمي يوللارلا آرادان آپاريلماسي نين قارشيسي نين آلينماسي باره ده ايران رئژيمي نين پلانلاري نين قارشيسيني آلماق اوچون بير تدبير کيمي حساب ائديريک. بو باره ده بين الخالق تشکيلاتلارين ديقتيني بو مثله يه جلب ائتمک اوچون موراجيعت ده ائديريک.

گونئي آذربايجان سياسي بيرليک و امکداشليق کوميسسيياسي نين عوضولري، موهنديس اماني و اونون قارداشلاري نين ايتگيسيني، اونون حيات-يولداشي، واليدئينلري و دوستلارينا تسلييت دئيير. اوميد ائديريک کي، اونون دفن مراسيمي و ماتم گونلري آذربايجانليلاريميز طرفيندن گئنيش و درين حوزنله کئچيريله جکدير و اورادا دا، غلامرضا اماني نين، ميللي هرکاتا ائتديگي خيدمتلري سويداشلاريميز طرفيندن ديرلنديريله جکدير

گونئي آذربايجان سياسي بيرليک و امکداشليق کوميسسيياسي (گاسبئک

عبدالله امير هاشيمي (جاوانشير

فيريدون پرويزنیا

ماشاالله رزمي

محمد موشتاق

دکتز نورالدين قروي

www.turkiran.com